Казкі старэнькага смартфона

Усе ведаюць, што смартфоны вельмі хутка старэюць. Але нават зусім старэнькі смартфон вельмі многае ўмее. Напрыклад, дзякуючы хуткаму доступу ў Інтэрнэт, ён распавядае казкі. Я не буду сцвярджаць, што ён сам іх складае. З іншага боку, ніхто не даказаў адваротнае.

Самае прыемнае ў гэтых казках, што смартфон сам можа іх накіраваць на друк (каб зрабіць кніжку), або расказаць любым голасам – якім вы хочаце, або паказаць да іх карцінкі. Кажуць, што смартфон нават можа навучыць вашага папугая распавядаць казкі (калі, вядома, папугай ў вас ёсць).

Я не правяраў гэтага, а проста запісаў некалькі казак, аднойчы расказаных мне старэнькім смартфонам.